Published: Thursday, February 26, 2026 11:32
Генералниот секретар на НАТО Марк Руте во вторник, 3 март, доаѓа во официјална посета на Република Северна Македонија.
Домаќин на Руте ќе биде претседателката Гордана Сиљановска Давкова. Предвидено е да се сретне и со премиерот Христијан Мицкоски и со претседателот на Собранието Африм Гаши.
Руте ќе присуствува и на показна вежба на Армијата.
Ова е прва посета на Руте како генерален секретар на НАТО на Скопје. Тој беше во земјава во ноември 2021 година како тогашен премиер на Холандија.
Во 2023 година во официјална посета на Македонија престојуваше тогашниот прв човек на НАТО, Јенс Столтенберг.