Еден од главните осомничени за терористичките напади во Париз, Салах Абдеслам е екстрадиран во Франција.
Абдеслам беше ранет и уапсен во полициска операција во Брисел на 18.март, по 4 месеци потрага од безбедносните органи на Белгија и Франција.
*Салах Абдеслам: Кој е најбараниот човек во Европа?
Терористот е роден во Брисел, каде што и живеел пред нападите во главниот град на Франција.
Повеќе од 130 луѓе беа убиени а повеќе десетици ранети во координираните напади на ИСИС во Париз на 13.ноември.
Федералниот обвинител соопшти дека Абдеслам бил предаден утринава на француските власти, врз основа на потерницата објавена на 19.март оваа година.