Јавноста ќе слушне за мрежата на нафтени компании кои сакале да го изиграат ситемот и да испумпаат пари од буџетот, изјави директорката на Управата за јавни приходи и заменик претседателка на СДСМ за ТВ 24.
Во врска со листата на должници Лукаревска посочи дека тоа е обврска која се објавува на месечно ниво за правни и физички лица како и дека се спроведени сите можни механизми за наплата.
Таа посочи дека се намалува бројот на должници, и постепено се намалува и износот на тој даночен долг. Притоа најави и објавување на два специфични случаи на даночни должници кои ќе бидат соопштени в понеделник.
Во врска со објавувањето на нафтените компании кои затајувале данок Лукаревска појасни: „Ќе ја испрезентираме таа мрежа на нафтени компании која што е во соодветен дослух со бензиски пумпи и врз основа на тоа ќе видиме како всушност сакале да го изиграат системот, да испумпаат од буџетот фиктивен ДДВ за што ние навремено сме алармирале, сме постапиле опсежна анализа и процедура имаме направено, со попис и детална анализа на сите фактури, што биле дел од тие деловни односи и детална анализа на физичките лица кои стојат зад тие бензиски пумпи“.