Прес конференција на СДСМ, Богданка Кузеска – портпаролка и членка на Извршниот одбор
27 април е тежок, крвав потсетник колку лесно една криминална, недемократска власт може да ја втурне државата во провалија.
9 години од крвавиот 27 април, најцрниот ден во историјата на македонската демократија.
Тоа беше организиран обид за државен удар, во режија на ВМРО и Никола Груевски.
Во Собранието влегоа насилници со јасна намера – да убијат пратеници, да повредат новинари и вработени во собранието, да го урнат уставниот поредок.
Сликите од тој ден се врежани и после 9 години: крвави лица на пратеници, дупнати глави, напади со шипки и столици, влечење, дивеење и уништување во храмот на демократијата.
А денешниот прмеиер, Христијан Мицкоски, тој ден беше пред Собранието.
Девет години подоцна, наместо целосна правда – сведоци сме на обиди за срамна рехабилитација на насилниците.
По доаѓањето на ВМРО-ОКГ на власт, осудени лица за 27 април се пуштаат од затвор со само еден потпис.
Истовремено, истите луѓе и истите мрежи повторно се активираат.
Бетмен Велит, обвинет за 27 април – денес заедно со Латас се носителите на антиевропската кампања и нападите на СДСМ преку орбановата мрежа на медиуми.
Јане Ченто држи прес конференции и се заканува со тужби.
Контроверзниот разузнавач Горан Живаљевиќ, човекот кој беше во Собранието на денот на нападот – останува симбол на странското влијание во тие настани и на БИА.
Повторно слушаме и за Сашо Мијалков и Никола Груевски.
Денеска истата екипа. Истата банда. Истата криминална матрица. Истите луѓе, истите методи, истата агенда.
Денес, под водство на Христијан Мицкоски, Македонија повторно се турка кон заробена држава:
Се бираат судии и обвинители под негова контрола
Заробени институции, заробеани медиуми
Рехабилитација на насилници
Линч и јавни напади врз опозицијата
Ништо не е сменето во ВМРО-ОКГ.
Тоа е истата структура која сака повторно да гази врз слободата и демократијата, да се пресметува со неистомисленици и да шири омраза и поделби меѓу граѓаните.
27 април не е само потсетник – тоа е опомена.
Опомена што се случува кога државата ќе биде заробена.