Опозициската СДСМ обвинува дека владеачката ВМРО ДПМНЕ ја копирала мерката за зголемување на минималната плата и велат дека тоа нема го оставарат до крајот на мандатот.
„Лага е дека сегашното злосторничко здружение на власт ќе обезбеди минимална плата во државата од 14.000 денари на крајот на мандатот. Ја копираа токму и оваа мерка од програмата на СДСМ.
СДСМ и коалицијата За живот предводена од граѓаните на крајот од мандатот којшто вие ќе ни го дадете нема да дозволиме ниту еден човек во државата , ниту еден вработен да има минимална плата под 16.000 денари“, велат од опозицијата.
Од таму соопштуваат дека во секој семеен буџет ќе се слева по уште една плата преку проектот за враќање на ДДВ од 15%.
„Предвидуваме намалување на трошоците на секое семејство се со цел повеќе пари да има во секој семеен буџет. Сите столбови од нашиот план за живот во Македонија предвидуваат враќање на парите назад кон граѓаните. Така е и кон земјоделците. Предвидуваме минимум 640 милиони евра во првите четири години за земјоделски субвенции коишто ќе бидат навремени, коишто ќе бидат редовни и којшто ќе бидат наменети за вистинските земјоделци“, порачуваат од СДСМ.