Недозволиво е тоа што се случува во реформската агенда, 12 закони требаше да се донесат оваа година, од кои седум до јуни и беа врзани со одредени буџет од европските пари наменети за нашата држава. За жал ниту еден од тие закони не е донесен, вели лидерот на СДСМ Венко Филипче.
Пет закони, посочи Филипле, кои требаше да бидат донесени од јуни до декември секако нема да бидат донесени.
Закони кои што се однесуваат на еден од главните приоритетни сегменти во државата со правосудството, каде што има закон за буџетирање на судството, за Судски совет, за јавен обвинител, за движење на судски предмети, за плати на судии. Сето тоа што ги оптеретува граѓаните секојдневно. Извинете, но недозволиво е Владата да не работи на тоа поле, изјави Филипче, одговарајќи на новинарски прашања по брифингот за презентирање на Резолуцијата за дефинирање заеднички позиции за продолжување на европскиот пат на државата.
По трагедијата во Кочани, Филипче посочи, дека бил кај премиерот и понудил правна група, која дала мислење на законите од Минитсерство за правда, но не добиле никаков одговор или биле викнати на некоја од работните средби.
Прашан дали судиите и јавните обвинители заслужваат поголема плата, Филипче вели дека судиите припаѓаат на независна власт и дека Владата треба да ги спроведе процесите за тој сегмент да зајакне.
Такви изјави за судиите сметам дека се понижување за луѓе кои што се професионалци и припаѓаат на една независна власт и за коишто Владата е таа којашто треба да ги спроведе процесите за тој сегмент зајакне. Притоа апсолутно треба да биде приоритет, изјави Филипче.