Се избира претседател на Основниот суд Скопје 1

Судскиот совет на Република Македонија на денешната седница треба да избере претседател на Основен суд Скопје 1, на што ќе претходи усвојување на конечната ранг листа за оваа функција.

Претходно, членовите на Судскиот совет ќе ја разгледаат оставката в.д. претседателот на скопскиот Кривичен суд Стојанче Рибарев, кој ја поднесе на 25 октомври од лични причини.

Рибарев ја извршуваше функцијата в.д. претседател на Кривичен суд Скопје од мај годинава.

Кандидати се поранешниот претседател на судот Владимир Панчевски, судијата  Иван Џoлев, судијата Ивица Стефановски, кој му беше заменик на Панчевски, судијата од одделот за организиран криминал Ѓоко Ристов, судиите Осман Шабани, Оља Ристова и Весна Димишкова.