Ако се погледнат анкетите, веројатноста дека Рим ќе ја избере првата жена градоначалник е сигурна карта за сите оние кои би сакале да се обложуваат на исходот од локалните избори.
Вирџиниа Раџи од анти-естаблишмент движењето „Пет ѕвезди“ е фаворит во трката против Роберто Гаичети од италијанската Демократска партија. Нејзината победа би била голем удар за премиерот Матео Ренѕи. Неговата партија, исто така, може да го загуби и Милано, а ќе се соочи со тешки битки и во Тoрино и Болоња.
Во прваиот гласачки круг кој се одржа пред две недели Вирџиниа Раџи осови 35 проценти од гласовите наспроти 24 проценти за Гаичети. Медиумите коментираат дека потенцијалната победа на Раџи во Рим ќе и отвори пат за парламентарните избори во 2018 година.
Што го чека идниот градоначалник
Накраткиот одговор би бил – проблеми. И тоа во вид на долгови. Градот е задолжен 13 милијарди евра или два пати повеќе од годишниот буџет. Римјаните се фрустрирани од дупките по улиците, јавниот превоз и недостатокот од сместувачки капацитети.
Основано од комедијантот Бепе Грило во 2009 година, „Пет ѕвезди“ е во кампања против корупцијата која се чини дека е главен белег на италијанската политика. Игнацио Марино си даде оставка од функцијата градоначалник на Рим лани во октомври поради скандал околу нетраспарентни трошења во општината. Оттогаш наваму Рим е без градоначалник. Уште еден голем скандал за пипците кои мафијата ги има пуштено во градското собрание само уште толку им ги зголеми шансите на „Пет Ѕвезди“ чија основна платформа за кампања е борбата против корупцијата и криминалот.
Шансите дека младата партија ќе се етаблира во најголемата опозициска партија во блискиот период се огромни.