Телото на 61-годишната актерката Мери Т. Мара е пронајдено во реката Сент Лоран, соопшти државната полиција на Њујорк. Според полицијата Мери се удавила додека пливала во реката во градот Кејп Винсент во неделата наутро, се наведува во соопштението.
„Мери беше една од најдобрите актерки што сум ги запознал. Сите ја сакаа. Ќе ни недостига“, изјави нејзиниот менаџер Крег Дорфман.
„Телото на Мери е пронајдено утрото во нејзината омилена река. Таа се удавила додека пливала“, изјави ПР на актерката.
Мери Мара го имаше своето телевизиско деби во 1989 година, но својата најголема популарност ја стекна неколку години подоцна. Деведесеттите ѝ донесоа улоги во популарните серии „Ургентен центар“ и „Неш Бриџис“, како и гостувања во сериите „Ред и закон“ и „Западно крило“.
Таа, исто така, ја освои наградата на Меѓународниот филмски фестивал во Монако во 2003 година за најдобра споредна женска улога за нејзината улога во „Ем и јас“.
Студирала глума на Државниот универзитет во Сан Франциско и драмската школа Јејл.
Mary T. Mara, a veteran of television dramas including "ER," "Nash Bridges" and "Law & Order," was found dead in a river, New York State Police said Monday. https://t.co/vXliSCARiu
— NBC 7 San Diego (@nbcsandiego) June 28, 2022