По шестото нуклеарно тестирање што Северна Кореја го изврши во септември годинава, се урна тунел на локација каде Пјонгјанг ги врши нуклeарните проби и притоа се претпоставува дека можно е да има над 200 загинати, објави јапонската телевизија Асахи, повикувајќи се на неименувани извори запознаени со ситуацијата.
Ројтерс јави дека не е во можност да ги проневи наводите.
Тунелот според јапонската телевизија се урнал на 10 септември. Во текот на спасувачката акција дошло и до второ уривање на тунелот, поради што се претпоставува дека има најмалку 200 загинати.
Стручњаците истакнуваат дека серијата потреси и лизгањето на земјиштето на оваа локација за нукеларни проби веројатно значи дека шестото нуклеарно тестирање на 3. септември со што беше предизвикана најсилната експлозија веројатно го дестабилизирало регионот и дека е можно базите на Пуенгјуе долго време да не бидат користени за нуклеарно оружје.