Oсудениот во случајот „Труст“, Сеад Кочан, нема индикација за болничко лекување, информираат од Министерството за здравство.
„На барање на Кривичниот суд, ние инициравме и Комисија ја ревидираше медицинската документација на приватната болница за пациентот. Од стручниот увид во медицинската документација беше утврдено дека пациентот нема апсолутна индикација за болничко лекување“ велат од Министерството.
Бизнисменот Сеад Кочан кој е правосилно осуден на затворска казна од 4 години и 8 месеци за случајот „Труст“ синоќа беше спроведен во затворот во Идризово. Од МВР за НОВА потврдија дека постапувале по судска наредба и Кочан е префрлен во затвор на издржување на казната.
Наредбата до МВР за неговото приведување е пуштена доцна вечерва откако надлежниот судија за извршување санкции попладнево го одбил и неговото трето барање за одложување на издржување на казната.
„По добивање на целокупната документација поврзана со новото барање за одлагање со отпочнување со издржување на затворската казна на еден од обвинетите во предметот со К.бр. 1459/17 од обвинителството значен како „Труст“, судија за извршување санкции донесе решение со кое го отфрли барањето како недозволено и издаде наредба осуденото лице со полициска придружба веднаш да биде спроведено во надлежната Казнено поправна установа“.
По судска наредба, МВР го спроведе Сеад Кочан во затворот Идризово
Кочан беше сместен во приватна болница, и Судот пред да ја донесе одлуката побара документација од болницата за здравствената состојба на осудениот бизнисмен.