Седум израелски војници убиени во Појасот Газа

Тел Авив: Израелската армија објави дека седум нејзини припадници, еден офицер и шест војници, загинале вчера во борбите на југот од Појасот Газа, во областа Кан Јунис.

Во одделен инцидент, исто така во јужна Газа, еден израелски војник бил тешко ранет, додаде армијата. Според израелските медиуми, седумте мртви биле во возилото кога експлозивна направа поставена под нив се детонирала и предизвикала пожар.

Минатиот месец израелската армија наредила евакуација на жителите на Кан Јунис, најавувајќи „невиден напад“. Потоа на населението му било наредено да се движи кон областа ал-Маваси на запад од Појасот Газа, каде што била започната нова израелска офанзива.