Ракометарите на Вардар ја одбранија титулата во СЕХА лигата. „Црвено-црните“ во финалето го совладаа ППД Загреб со 26:24 (полувреме: 14:13) за четврти триумф во регионалното натпреварување во кое ја покоруваа конкуренцијата и во сезоните 2011/12, во 2013/14 и во 2016/17.
Најефикасен во мечот за титулата беше Хрватот Златко Хорват со осум погодоци, по три за поразената екипа постигнаа Валентино Равниќ, Дамир Бичаниќ и Домагој Павловиќ. Први стрелци, пак, во составот на Раул Гонзалез беа Даинис Криштопанс и Лука Циндриќ кои реализираа по пет гола.
Бронзениот медал го освои екипата на Целје која во натпревар за третото место го совлада Мешков Брест со 31:28. Лидер во словенечкиот тим беше Жига Млакар со 7 гола, Вјачеслау Шумак и Павел Хорак беа најпрецизни меѓу Белорусите.
СЕХА лига – Фајналфор
Финале: Вардар – ППД Загреб 26:24
За 3. место: Мешков Брест – Целје 28:31
Полуфинале
Вардар – Мешков Брест 33:24
ППД Загреб – Целје 29:28