Еден од најблиските соработници на британската премиерка Тереза Меј, Демијан Грин синоќа поднесе оставка на функцијата орв државен секретар, поради наводно сексуално малтретирање и снимање порнографски материјал на својот службен компјутер.
Грин (61) беше именуван на високата функција во Владата по предвремените избори годинава, на кои Конзервативната партија на Меј го загуби мнозинството во британскиот Парламент.
Сепак, Грин набргу беше обвинет од страна на партиска активистка дека недолично ја допрел за коленото и и праќал СМС пораки.
Ова обвинување го извади на површина скандалот од 2008 година, кога Грин беше притворен под обвинение дека објавувал доверливи податоци, при што на неговиот компјутер беа најдени порнографски материјали, што го зголеми притисокот врз него да се повлече од Владата.