ЗОРАН ИВАНОВ / ЦИВИЛ МЕДИА
Со постизборна парламентарна симулација ДУИ денеска предизборно ја конституираше петтата македонска република, претседател на државата избра во парламентот, секако Албанец, ги затвори уставните измени со внесување на Бугарите во уставот, од редовите на својот коалициски партнер постави собраниски спикер, секако пак, Албанец, ги избриша Македонците од политичката сцена и …, засега серијалот застана тука, а како тргнале од партијата, извесно е да се очекува во втората епизода уште да ја тргнат границата, за почеток со Косово и да ја привршат призренската приказна но, притоа, кажано во една реченица, конкретно во оваа виртуелна реченица, во ДУИ сепак како малку да се занесоа, како да заборавија на еден неодминлив факт дека пред македонските граѓани, не пред Македонците туку пред сите македонски граѓани, на 24-ти април и на 8-ми мај, престојат не фиктивни, не виртуелни и не фингирани, туку реални избори кои ќе ја отсликаат актуелната македонска реалност која сите нас, а посебно ДУИ ќе ги разбуди од филмот што си го снимиле по големоалбанското сценарио зашто Република Северна Македонија, сакала не сакала, со ДУИ или без ДУИ, со бојкот на финалето на претседателските или без него, сеедно, ќинисала иднински нанапред, а не историски наназад и, по волјата на своите граѓани, сепак се упатила накај Брисел наспроти сонот на ДУИ за накај Призрен.