Милан ја впиша и третата победа во низа во Серија А и засега цврсто ја држи четвртата позиција на табелата што води во Лигата на шампиони. „Росонерите“ во премиерата на 25. коло го совладаа Емполи, најслабиот гостин во калчолигата во оваа сезона, со 3:0 и се доближија на само бод од градскиот ривал Интер кој утревечер (недела) во 20.30 часот ќе ` гостува на Фиорентина.
Еден од клучните ликови во составот на Џенаро Гатузо беше Криштоф Пјонтек. Полјакот беше „невидлив“ во првиот дел, но реализира во 49 минута, при првиот контакт со топката по паузата. Две минути по него во листата на стрелци се додаде и Франк Кеси, а трите бода на „Сан Сиро“ го потврди Кастилјехо во 67. минута.
Полскиот репрезентативец во мечот со Емполи го постигна својот 18 гол во Серија А во оваа сезона или седми во дресот на Милан по трансферот од Џенова. Покрај трите признаени гола, „росонерите“ постигнаа уште два што оправдано беа поништени по асистенција на ВАР технологијата.
Серија А, 25 коло
Милан – Емполи 3:0
Сабота
Торино – Аталанта (15 ч.)
Фрозиноне – Рома (20.30 ч.)
Недела
Сампдорија – Калјари (12.30 ч.)
Болоња – Јувентус (15 ч.)
Киево – Џенова
Сасуоло – СПАЛ
Парма – Наполи (18 ч.)
Фиорентина – Интер (20.30 ч.)
Понеделник
Лацио – Удинезе (20.30 ч.)