Шарената револуција продолжува и денес. Со црвени знамиња и свирежи зап оддршка на Специјалното обвнителство, граѓаните, обединети под движењето Протестирам и вечерва го започнаа протестот кој трае надв две недели.
Поддршка на денешните протести даде и поранешниот амбасадор на ЕУ, Ерван Фуере кој изјави дека протестите на граѓанското општество е поради незадоволството од политичарите кои управуваат со земјата.
Се поголем број граѓани пристигнуваат пред СЈО а демонстрантите се уште не откриваат кон која локација ќе се движат.
Веќе речиси три недели протестите започнуваа токму од овде а потоа продолжуваат ад-хок на разни локации.
– Ние, граѓанките и граѓаните кои во борбата за правда и демократија, здружени протестираме низ улиците на Македонија во име на слободата, правдата и еднаквоста, нагласуваме дека преговори во овие услови се неприфатливи. Затоа, одлучно продолжуваме со протести и бараме: Итно повлекување на одлуката за аболиција на сите оние против кои се води истрага и против кои е покренато обвинение од страна на Специјалното јавно обвинителство (СЈО); Итна и неотповиклива оставка на Ѓорге Иванов од функцијата Претседател на Република Македонија; Произнесување на Уставниот суд за уставноста на СЈО; Формирање на специјално одделение на Кривичниот суд, кое ќе биде надлежно за случаите под јурисдикција на СЈО; Итно повлекување на одлуката за одржување на парламентарни избори на 5 јуни; Задолжително вклучување и присуство на независни претставници на граѓанското општество во процесот на решавање на кризата; Формирање на преодна влада која докрај ќе ги имплементира итните реформски приоритети од извештајот на Прибе. Дотогаш, нашата политичка борба останува на улиците. Нема правда, нема мир!
#Протестирам #Protestoj, се вели во повикот на над 80 граѓански здруженија и организации кои се иницијатори на овие протести.