Заменик претседателката на СДСМ, Радмила Шекеринска со делегација од партијата денеска се сретна со државниот министер за Европа и Америка на Обединетото Кралство на Велика Британија и Северна Ирска, Алан Данкан, придружуван од британскиот амбасадор во Р.Македонија, Чарлс Гарет.
Од партијата соопштија дека Шекеринска на средбата со дипломатите изјавила дека новата Влада ќе биде брзо формирана и силно ќе се посветиме на сите предизвици.
„Се покажа дека сета пропаганда за некакви федерализации или редефинирање на државата била лажење и манипулација на јавноста. Најдовме решение во согласност на Уставот. Ние сега сме посветени на следните чекори, Македонија да биде правна држава, да обезбедиме непречена работа на СЈО и независни институции што ќе работат во интерес на граѓаните. Определбата на граѓаните за концептот на заедништво и живот за сите е голем капитал за Македонија и ги отвора вратите на новата Влада, да се посвети на она што најмногу и реално ги засега граѓаните, а тоа е излез од огромната сиромаштија во земјата и квалитетен живот за сите, изјавила Шекеринска.