Шкотска остана без селектор на сениорската фудбалска репрезентација. Гордон Страхан (60) реши да стави крај на четиригодишниот мандат на клупата по неуспехот во квалификациите за СП 2018 во Русија во кои не успеа со националниот тим ниту до бараж преку групата Ф.
Кобно за Шкотланѓаните беше ремито (2:2) на гости во Словенија во последното коло што на крајот значеше и пад на третото место во конкуренцијата зад Англија и Словачка. Доколку победеа на стадионот „Стожице“ во Љубљана ќе завршеа втори во групата и во тој случај ќе извисеа Словаците.
Поранешниот фудбалер на Данди, на Абердин, на Манчестер јунајтед, на Лидс и на Ковентри го презеде кормилото во 2013 година. Одигра и 50 натпревари за шкотската репрезентација во периодот од 1980 година до 1992 година. Пред селекторскиот ангажман работеше како менаџер во Ковентри, во Саутемптон, во Селтик и во Мидлсборо.