Шкријељ: Рекорден влог во младите, годинава 1,4 милијарди денари

Заменик министерката за труд и социјална политика, Санела Шкријељ ја истакна огромната посветеност во младите и рекордниот влог кој оваа година ќе изнесува 1,4 милијарди денари. Тоа, според неа, ја прави Македонија единствена земја надвор од Европската Унија што спроведува Младинска гаранција. МТСП, како што истакна во дебатата „Отворено“ на ТВ 24 во изминатиот период се посвети на креирање мерки што значат вложување на младите.

„Мислам дека сите сме согласни дека вложувањето во младите значи вложување во нашата иднина. И, токму затоа, оперативниот план којшто оваа година е со рекордно висок износ од 1,4 милијарди денари, еден од главните критериуми е 30% застапеност на младите во сите мерки. Ја имаме младинската гаранција. Да не заборавиме, единствена земја која што не е членка на ЕУ, сама донела одлука да ја имплементира оваа мерка и, дава извонредни резултати“, истакна Шкриељ, која зборуваше за досегашните резултати на владата предводена од СДСМ во повеќе социјални области во изминатите 2 и пол години.