Историската титула во Премиерлигата што ја освои Лестер во минатата сезона падна во заборав. Англискиот првак му врачи отказ на Клаудио Раниери на ден по активниот пораз од Севилја во Лигата на шампиони. „Лисиците“ од „Кинг Пауер“ стадионот, што е право, играат лошо во оваа сезона, а во вчеравечер во Шпанија го постигнаа првиот гол во оваа календарска година.
Одлуката на клубот, за британските медиуми, е „брутална“. Отпуштен е човекот што е творец на едно од најголемите чуда во историјата на англискиот фудбал кој, и покрај освоениот трофеј во суперсилната конкуренција на Островот, немаше кредит кај управата да ја заврши оваа сезона.
„Раниери е нашиот најуспешен тренер во историјата. Меѓутоа резултатите во оваа сезона не се добри и загрозен е опстанокот во Премиерлигата. Затоа сметавме дека промената е неопходна. Одлуката е болна. но е во интерес на клубот“, се наведува во соопштението на Лестер.
Ангажманот на Раниери беше дочекан со скепса по неговото наследување на кормилото на Најџел Пирсол во јули во 2015 година. Поради титулата што ја освои со клубот, кој само една сезона претходно едвај се спаси од испаѓање од Чемпионшип. Италијанецот беше прогласен за тренер на годината во изборот на ФИФА.
На Лестер му оди добро во Лигата на шампиони, но ужасно се мачи во Премиерлигата. Со 21 освоен бод по 25 одиграни средби, „лисиците“ се најлош шампион во историјата на елитното фудбалско друштво во Англија. Веста на отказ на Раниери е изненадувачка и со оглед на пораката на клубот на почетокот на овој месец дека стои зад својот менаџер и фудбалери.
„Целиот клуб е со својот тренер и играчи и така ќе остане“, нагласија тогаш од Лестер.