Кандидтактата за градоначалничка на Скопје Каја Шукова денеска оставри средба со граѓански активисти за заштита на животните.
Темата: како конечно да се реши проблемот со бездомните животни во Скопје.
Верувам дека ова е прашање на цивилизациска зрелост, а наместо ад-хок мерки.
Потребен е вистински систем што ќе функционира 24 часа. Затоа ќе го зголемиме капацитетот на стационарот „Лајка“ и ќе обезбедиме постојана, деноноќна служба. Грижата за животните не смее да зависи од работно време, изјави Шукова на средбата.
Кандидатката за градоначалничка на Скопје Каја Шукова додаде дека е неопходно паралелно да се воспостави и комунална полиција со која би управувал градот, која веднаш би реагирала на терен и која би санкционирла несовесни сопственици на домашни миленици и нивна злоупотреба.
Подготвена сум да ги прифатам најдобрите предлози од заедницата на љубителите на животни зашто тие најдобро знаат каде најмногу „шкрипи“. Заедно со нив, со институциите и со граѓаните, ќе изградиме систем што ќе биде хуман, одговорен и ефикасен, рече таа пред скопските граѓански активисти за заштита на животни.