Помошник државниот секретар на САД за Европа и Евроазија со силна порака до македонската опозиција, сите кочничари на евроинтегративните процеси на земјава и негатори на решението за тридеценискиот спор со соседна Грција. Во интервју за „360 степени“, тој нагласи – Договорот од Преспа е завршена работа.
– Договорот од Преспа е завршена работа. Дојдовме во Охрид за да ја прославиме и истакнеме важноста на Преспа и што претставува тоа. Направи значајни разлика, не само што отстрани препреки на патот, туку овозможи и зголемување на соработката во регионот, придонесе за енергетска сигурност, за трговија, за инвестиции. Ова е уште едно долго поглавје, но со големи можности. Само погледнете ги одличните односи меѓу Северна Македонија и Грција кои се развија во сите сфери, од одбраната и безбедноста, како сојузници, до економските можности. Тоа ќе станува уште поважно како излегуваме од ковид, фокусирајќи се на економското закрепнување, фокусирајќи се на ланците на снабдување, на отпорноста. Тоа е иднината. Да се напредува и да не се гледа назад. Да се работи заедно. Не станува збор за партиски позиции и идеологии туку придвижување на земјата напред заедно, истакна Рикер во интервјуто за „360 степени“ на маргините на Преспа Форум дијалогот што изминатите два дена се одржа во Охрид и во Отешево.