Силни афтершокови го тресат Нов Зеланд по силниот земјотрес од 7.5 степени кои се случи за време на викендот а во кој загинаа двајца.
Во стотиците афтершокови следуваше и еден од 6.3 во близина на градот Каикура. Земјотресите на некои места предизвикаа и излевање на реките што пак резултираше со лизгање на земјиштето, пренесуваат светските агенции.
Како последица на тресењето на земјиштето и настанатите штети, некои населени места останаа без електрична енергија и вода за пиење.
ЏиоНет, владино тело задолжено за мониторирање на земјотресите, ги предупреди жителите на Нов Зеланд дека во наредните два месеци постојано ќе има афтершокови.
Изминативе ноќи, властите се во постојана спасувачка мисија покрај источниот брег, кој пак беше зафатен со огромни бранови по првиот земјотрес. На источниот брег и понатаму важи предупредувањето од можно цунами.
Епицентарот на земјотресот силен 7.5 степени според Рихтер, беше 99 километри од Кристчрч, кој пред неколку години беше разурнат во земјотрес. Тогаш погинаа најмалку 185 луѓе, а потресот беше со магнитуда од 6.3 рихтерови степени.