Претседателот на Синдикатот на вработените во Центарот за управување со кризи Илија Бојаровски денеска ја демантира информацијата која вчера ја објавија медиумите повикувајќи се на изјавата на в.д. директорот на ЦУК Агрон Буџаку, според која дел од членовите на Синдикатот на ЦУК рекле дека немало состанок со членовите на кој би се дискутирало дали наводите кои вчера беа изнесени на прес конференцијата како став на Синдикатот на ЦУК да бидат изнесени во јавноста, и дека синдикални средби немало и претходно.
Бојаровски смета дека оваа информација е „дел од „спинувањето“, со кое се има интенција да се тргне вниманието од прашањата за највеојатните злоупотреби, а со тоа и кршењето и на правата, професионалноста и стандадот на синдикалците, а и на други колеги во ЦУК“. Тој тврди дека состаноци има.
-Тоа го правиме, па дури по состаноците имаме и мали свечености по повод синдикални успеси… Ви пративме на пример на 10.11.2017 и на Вас и на другите медиуми токму за еден таков состанок и настан – Состанок и потоа и Отворена средба со сите вработени и гости, секако коишто можеа да дојдат, а преку е-маил беа известени сите по другите градови кои се дисперзирани во Регионалните центри во цела Македонија и не се во можност да дојдат, така лесно… па комуницираме и преку Оперативен систем на ЦУК, а и преку свои лични компјутери, мејлови и современи мобилни телефони. Инаку, во Центарот за управување со кризи, најмалку од 2009-та комуницираме преку лично поединечно изјаснување преку емаил, како официјално изјаснување за одредени прашања коишто се во доменот на прашањата за целото членство од 48 членови, согласно нашиот востановен начин на работа и правила во 12-те години постоење, се вели во демантот од првиот синдикалец на ЦУК.