Венко Филипче: По трагедијата во Кочани, алармот на граѓаните мора да биде слушнат. Тоа е аларм за нефункционалноста на системот, за слаби јавни сервиси, за изгубена доверба. Тоа е оправдана реакција, бидејќи изминатите три децении, тоа што се нарекува реформи, тоа што се нарекува транзиција, очигледно не го даде посакуваниот резултат. Сите политички партии имаме вина за нефункционалноста на системот. Затоа, како лидер на најголемата опозициска партија, предлагам концепт за нов општествен и политички дијалог, во кој ќе се вклучат сите партии и сите општествени чинители. Заеднички да подготвиме стратегија, врз основа на која државата ќе функционира во иднина. Образование, здравство, правосудство, заштита на животната средина и партизацијата во институциите, ова се петте клучни области кои предлагам да бидат во фокусот на лидерска средба на лидерите на политичките партии. Овие се теми поважни од секоја влада и од секоја партија. Крајно време е сите да работиме за доброто на државата!
Од Фејсбук ѕидот на авторот