Сите судови во Сараево се евакуирани поради закани за поставена бомба во еден од нив

Во сите судови во Сараево во тек се полициски увиди поради дојава дека во еден од нив била поставена бомба.

Во тек се увиди во Уставниот, Врховниот, Општинскиот и Кантоналниот суд, како и во Судот на Босна и Херцеговина, бидејќи не се знае за кој од тие судови се однесува дојавата, па сите се евакуирани.

„Непознато лице денеска телефонски се јавило да пријави дека поставило бомба кај ‘судот во Сараево“.

Со оглед на тоа што не е прецизирано за кој суд се работи, сите судови се евакуирани, се обезбедуваат зградите и се вршат контрадиверзантски увиди“, потврди полициски портпарол.