Извори во СЈО за НОВА потврдија дека за Орце Камчев, Цветан Панделевски и Сашо Мијалков, обвинети во случајот „Империја“ е побарано мерката притвор да биде заменета со поблага мерка односно домашен притвор.
Од СЈО велат дека сведоците се сослушани и со тоа престанува да важи опасноста за влијание врз сведоци, а со мерката домашен притвор ќе бидат физички обезбедни.
Предлогот за преиначување на мерката од страна на СЈО е поднесен вчера.
Во „Империја“ меѓу обвинетите се Орце Камчев, Сашо Мијалков и Цветан Панделевски.
Освен за обвинетите во „Империја“, побарано е да се замени и мерката притвор во домашен притвор за поранешниот министер за транспорт и врски Миле Јанакиески и поранешниот генерален секретар на Владата Кирил Божиновски.
Апелацискиот суд денеска во 14 часот ќе одржи јавна седница по жалбата на Камчев, објави Телма, повикувајќи се на потврда од судот.
Камчев поднесе жалба и воедно понуди и гаранција од околу 14 милиони евра.
Мијалков понуди гаранција во имот од 1 милион евра.
Претходно денеска, Основниот суд Скопје 1 преку соопштение информира дека досега не е донесена ниту една одлука за евентуално укинување или преиначување на претходно определените мерки за обвинетите во случајот „Империја“ на Специјалното јавно обвинителство.
Ова е реакција на пишувањата во медиумите дека од СЈО е побарано мерката притвор за обвинетите Орце Кампев и Сашо Мијалков, да се замени со куќен притвор.
Утре во Кривичниот суд се закажани четири јавни седници, меѓу која и за Цветан Панделески, исто така обвинет во случајот и за притворите на поранешниот секретар на владата, Кирил Божиновски и поранешниот министер за транспорт, Миле Јанакиески, обвинети во случајот „Титаник“.