Со одлука на Советот на јавните обвинители мандатот на сите обвинителите на СЈО им престанува и тие од денеска се враќаат во матичните обвинителства каде што работеле пред да бидат префрлени во СЈО.
На обвинителката Лиле Стефанова, Советот на јавни обинители и го прекинал мандатот во Обвинителството за органииран криминал затоа што тој мандат истекол во мај 2008 година. Стефанова се враќа да работи во Обвинителството во Радовиш.
Обвинителите Фатиме Фетаи, Ленче Ристовска, Гаврил Бубевски, Трајче Пеливанов и Артан Ајро се враќаат во ОЈО Скопје, Стеефчо Донев во Обвинителството во Кочани, Љубомир Лапе во Обвинителството во Куманово, каде ќе продолжи со работа и Бурим Рустеми, а обвинителката Елизабета Јосифовска се враќа во ОЈО Гостивар.
На новинарско прашање, дали тоа значи дека СЈО од денеска не постои, претседателот на Советот на јавни обвинители Ацо Колевски кажа дека одлуката за враќање на обвинителите во матичните обвинителства стапува на сила веднаш. Сепак, тој напомена дека законот за СЈО е уште е до важност до 2020 година и ако во меѓувреме договори в.д. обвинител, тие ќе одлучуваат по ваквиот предлог.
Колевски не ја исклучи можноста сите овие обвинители да бидат префрлени во Обвинителството за гонење организиран криминал.
-Ако до нас стигне предлог за нова систематизација на Обвинителството што ќе значи и вработување на поголем број обвинители, ние ќе објавиме јавен оглас на кој ќе можат да се пријават сите јавни обвинители, па и тие што работеле во СЈО и ќе се донесе одлука за избор, рече Колевски.
До овој момент до нив не е стигнат ваков предлог од јавното обвинителство.
Колевски рече дека тие не одлучува за предметите кои СЈО ги води и дека државниот јавен обвинтел треба да донесе одлука кои обивнители ќе продолжат да работат по нив.
Советот на јавни обвинители денеска го ставил вон сила решението со кое на Катица Јанева и мируваше позицијата во Јавното обвителство во Гевгелија. Ова значи дека Јанева не само што е разрешена од шеф нА СЈО тукУ повеќе не е ниту јавен обвинител.
На седницата на Советот на јавни обвинители не присуствуваше државниот јавен обвинител Љубомир Јовески поради судир на интереси, откако Обвинителството со кое тој раководи отвори истрага за Јанева.
Тимот на Јанева беше избран во октомври 2015 година.
Во саботата, по едногласната одлука на Собранието, Советот ја разреши специјалната јавна обвинителка која е во притвор за случајот „Рекет“.
Предметите на СЈО ги презеде Јавното обвинителство на Република Северна Македонија. Државниот јавен обвинител Љубомир Јовески најави дека постапувањето по предметите на СЈО ќе продолжи, но оти се уште не е утврдено кој ќе ги застапува.
Јовески може да им ги додели предметите и на обвинителите од СЈО кои и досега ги водеа.
Од предметите за кои СЈО покрена над 20 обвиненија, само три се целосно затворени, неколку се вратени на повторно судење или се чека изјаснување на Апелациониот суд.