Специјалното јавно обвинителство поднесе нови докази за случајот „Тенк“, за кои на денешното рочиште судот треба да се произнесе. Одбраната, пак, е против да се разгледаат доставените нови докази.

По дебатата во судницата и инсистирањето на СЈО дека станува збор за битни докази кои треба да бидат прифатени од судот, дадена е пауза за да се признесе судечкиот совет.

Инаку, за денеска во Кривичниот суд беа закажани завршните зборови за случајот на СЈО „Тенк“, во кој за набавката на мерцедесот од претходната Влада, во вредност од 600.000 евра, обвинети се поранешниот премиер Никола Груевски и поранешниот помошник министер во МВР Ѓоко Поповски.

Во овој случај обвинета е и поранешната министерката за внатрешни работи Гордана Јанкулоска, но постапката за неа беше издвоена поради „ризична бременост“.

Во „Тенк“ обвинети се Никола Груевски и поранешниот помошник министер во МВР Ѓоко Поповски, како и поранешната министерката за внатрешни работи Гордана Јанкулоска.

Тројцата се обвинети за набавката на луксузниот мерцедес од 600 илјади евра.

Во судот денеска се присутни Никола Груевски и Ѓоко Поповски.