Макс Франс победи во спуст трката што се возеше во италијанска Вал Гардена во рамки на Светскиот куп во алпско скијање. За четири стотинки на крајот беше подобар од фаворизираниот Норвежанец Аксел Лунд Свиндал за прва радост на 27 годишниот Австриец во кариерата во која најдобри негови пласмани досега беа двете втори места во Лејк Луис во 2012 година и во Залбах лани. Трет резултат на целта имаше Американецот Стивен Ниман.
Свиндал по денешниот настап го презеде првото место во редоследот во спуст од сонародникот Кјетил Јансруд кој во Вал Гардена заврши на десеттата позиција. Лидер, пак, во генералниот пласман е Австриецот Марсел Хиршер со 44о бода.
Скијачите веќе утре со нови обврски во Светскиот куп. Менуваат локација, но остануваат во Италија. Карванот се сели во Алта Бадија каде на програма е трка во велеслалом.