Published: Tuesday, January 3, 2017 17:48
Вероника Зузулова триумфира во слаломот што попладнево се возеше на Слјеме крај Загреб. До петтата победа во кариерата во Светскиот куп, прва во оваа сезона, стигна со вкупно време од 2:02,53 минути. Словачката скијачка беше најдобра во двете трки и на крајот се промовира како втора највозрасна „Снежна кралица“.
Второто место го освои нејзината сонародника Петра Влхова (+24 стотинки), трета беше Шарка Страхова од Чешка (+52 стотинки). Трката не ја завршија четири скијачки од првата квалитетна група. Меѓу нив и Михаела Шифрин останува водечка во генералниот пласман во слалом со 400 бода, само 10 повеќе од Зузулова. Американката, која победи на двата последни слалома, е лидер и во Светскиот куп пред Лара Гут.