Меѓународниот театарски фестивал „Скупифестивал“ ќе се одржи од вечерва до 4 октомври на сцената на Албанскиот театар во Скопје, под мотото „На крајот, секоја маска мора да падне”. Свеченото отворање ќе биде во 20 часот, со гостување на Националниот театар на Косово од Приштина, Косово со претставата „Брак” од авторот Витолд Гомбрович, во режија на Норберт Раковски. Играат: Арменд Смајли, Иљбер Барди, Менсур Сафќиу, Шеќерие Бучај, Шкљзен Весели, Ера Балај, Адурим Деми.
На вториот фестивалски ден, во истиот термин ќе ја видиме претставата „Тврдина” од Меша Селимовиќ во режија на Андреа Беналјо и во продукција на „Ателјеркунчеон“ од Бергамо, Италија. Улогите ги толкуваат: Андреа Беналјо, Винченцо Лонгарети, Гаја Бономи, Алина Фофанова, Мирко Таска, Срдан Ерак, Теодора Пајич.
„Жената на Макбет и јас 2.0” на авторот Мирел Кнез, кој исто и ја изведува претставата, а во режија на Ник Упер, продукција на Глобал театар, Љубљана, Словенија, ќе биде изведена на 1 октомври, во 19 часот Во 20.30 часот ќе следува „Бес за двајца или повеќе” од Театар „Хера“, Истанбул, од Ежен Јонеско во режија на Сенем Џевхер. Играат: Озкан Озен, Бесте Озен, Огуз Каан Кахраман.
На 2 октомври во 20 часот ќе гостува „Дон Жуан” од Жан Батист Молиер, во продукција на Народниот театар од Ниш, а во режија на Васил Василев. Играат: Дејан Лилиќ, Драгиша Вељковиќ, Маја Вукојевиќ Цветковиќ, Андрија Митиќ, Урош Милојевиќ, Катарина Митиќ Павловиќ, Наталија Јовиќ, Данило Петровиќ, Марјан Тодоровиќ, Милош Митровиќ.
На 3 октомври во 19 часот следува перформансот „X” од независниот театар „Јалта арт рум“ од Софија, на авторот и режисер Бојан Крачалов, а во интерпретација на Васил Дуев – Туиг.
Истата вечер во 20.30 часот гостува претставата „Медеа” од Еврипид од Народен театар „Иван Вазов” Софија, во режија на Деклан Донелан. Играат: Радина Карџилова, Велислав Павлов, Валентин Ганев, Асен Данков, Јавор Валканов, Стелиан Радев, Вера Табакова, Радена Валканова, Жорета Николова, Стефанија Колева, Елена Иванова, Надја Керанова, Ана Пападопулу и две деца актери.
И во последниот ден на фестивалот, в сабота во 20 часот претставата „Половина – Животот на Марија Кири” на Лаурен Гундерсон, а режија на Армела Демај. Играат: Уљка Мујо и Армела Демај. Продукцијата е на театар „Метропол“ од Тирана.
За сите претстави е обезбеден превод на македонски јазик.
Жирито на 19. издание на фестивалот е во состав на Замира Кита, актерка од Албанија, Замира Кита, новинарката Сребра Ѓорѓијевска и актерот Адриан Азири. Тие ке одлучат за наградата најдобра претстава на „Скупифестивал 2025“.
„Скупифестивал“ е поддржан од Министерство за култура и туризам. Директор на фестивалот е Музбајдин Ќамили, претседател на уметничкиот совет Сенко Велинов, уметнички директор Осман Ахмети, членови се Куштрим Бектеши, Бетим Зекири, координатор Џанер Мусиќ, изработка на видеоматериали Бетим Зекири. И оваа година за дизајнот на Скупифестивал се погрижи Eggra.