Амбасадата на Република Словенија во партнерство со општината Гази Баба и Земјоделскиот институт – Скопје организира настан за чистење на природно рекреативниот дел парк шумата во општина Гази Баба – Скопје, соопштија од амбасадата. Целта е, како што се посочува, да се помогне за подигнување на свеста кај младите од основното образование за зачувување на животната средина, како и за значењето на живиот свет, преку акција за чистење на парк шумата во Гази Баба од отпадоци како и едукативно-интерактивни содржини на отворено.
Во оваа акција ќе бидат вклучени околу 50-тина деца од основното образование во општината Гази Баба заедно со нивните наставници, градоначалникот Бобан Стефковски, словенечкиот амбасадор, претставници од ЕУ и ОН како и научни работници од Земјоделскиот институт. (Р.Н.)