Поранешниот градоначалник на Битола, Владимир Талевски е осуден на осум години затвор за злоупотреба на службената положба во предметот „Транспортер“. Од вкупно 20. обвинети со него, десет се осудени на вкупно 28 години и девет месеци казна затвор, а останатите десет добија по две години условна казна затвор која ќе се активира доколку некој од нив стори кривично дело во наредните пет години.
Судијката Добрила Кацарска денеска пред двајца обвинети и четворица адвокати ја прочита пресудата во која наведе дека обвинетите се виновни за злоупотреба на службена положба и овластување.
Предметот на Јавното Обвинителство кој се однесува во врска со организирањето на превоз на ученици во Битола со што е направена проневера на околу 360.000 евра, го застапуваа обвинителите Љубомир Лапе и Трајче Пеливанов.