Актуелниот министер за земјоделство Љупчо Николовски ќе го заземе местото на Александар Кирацовски, како генерален секретар на СДСМ, откако Централниот одбор на СДСМ вечерва го разреши Кирацовски, шестмината потпретседатели и организацискиот секретар.
Освен Кирацовски, разрешени се и Миле Зечевиќ од организациски секретар и потпретседателите на партијата Оливер Спасовски, Дамјан Манчевски, Фросина Ташевска-Ременски, Петре Шилегов, Мухамед Закири и Благој Бочварски.
Донесените одлуки на ЦО се очекува да ги потврди лидерот на партијата Зоран Заев во изјава за медиумите по завршување на седницата.
Вечерва ќе нема предлози за нивни заменици кои, според партиски извори, ќе бидат предложени во текот на наредниот месец.
Премиерот претходно разреши 78 претседатели на општински организации на СДСМ како дел најавените кадровските смени за време на претседателските избори.