ВМРО-ДПМНЕ ја поднесе Предлог – резолуцијата за утврдување на македонските државни позиции по однос на евроинтеграциите.
– Цениме дека оваа предлог-резолуција ќе ги зајакне и македонските дипломатски позиции, но исто така ќе влијае и како фактор на сплотување наместо поларизација внатре во македонското општество. Тоа што би сакал денес да го порачам и апелирам, согласно Деловникот секој пратеник има право да се придружи со свој потпис на ваква Предлог-резолуција од моментот кога таа е предложена, изјави пратеникот Антонијо Милошоски, додавајќи дека очекува најширок можен консензус.
Тој изрази надеж дека пратениците и партиите коишто декларативно истакнаа дека ќе ја поддржат предлог-резолуцијата таква каква што е, од денес па во следните неколку дена истата ќе ја потпишат и очекува претседателот на Собранието Џафери, во најскоро можно време да ја стави на пленарна седница за да можеме да се гласа.
Според пишувањата на дел од медиумите, предлог-резолуцијата на ВМРО-ДПМНЕ е поднесена со уставното име на државата – Република Северна Македонија.