Македонската тениска сензација, Калин Ивановски (17 години), го заврши својот настап на јуниорскиот дел од гренслем-турнирот Вимблдон. Калин го заврши овогодишното издание на Вимблдон, кое дефинитивно ќе го памети како одлично искуство за понатамошниот дел од кариерата која треба да биде навистина светла и одлична со оглед на предиспозициите и квалитетот со кој располага нашиот тенисер.

После двете победи над стартот 17-годишниот Калин Ивановски го привлече вниманието со неговите игри и денешното осминафинале беше директно пренесувано на „Спортклуб 1“.

Ивановски беше поразен во осминафиналето со 2:0 во сетови, од седмиот носител Џек Пинингтон Џонс (5-7, 0-6), но во поголемиот дел од мечот се бореше со повреда.

Калин сервираше извонредно во најголем дел од првиот сет, поведе со 5:4, но потоа следеше непријатна серија и незгодна повреда која направи мечот да добие непосакуван тек. Британецот Џек Пинингтон Џонс израмни на 5:5, а потоа направи брејк за 6:5 кој се покажа како клучен во целиот меч.

Во вториот сет Ивановски имаше и медицински тајм-аут, но не се откажа и лавовски се бореше, но Џонс го искористи моментот и го освои сетот со 6:0.

Нашиот тениски ас во првото коло го преслуша Американецот Дејли Бланч со 7-5, 7-6, а потоа и Литванецот Едас Бутвилас со 7-6, 7-6.

Во следната фаза Пинингтон Џонс ќе игра против Виктор Лилов од САД кој со 2:0 (6:2, 6:1) го совлада Војтех Петр од Чешка.