Со речиси 400 дронови нападнат регионот на Москва. Поголемиот дел од украинските беспилотни летала биле пресретнати на поголема далечина, а над 80 биле соборени во близина на руската престолнина.
И Украина нотира напади во регионот на Кијив.
Во Советот за безбедност на Обединетите нации дебата за нападите врз украинскиот главен град на 18 и 19 јули. На седницата беше истакнато дека руските акции дополнително го загрозуваат глобалното снабдување со храна и енергија. Амбасадорите на завојуваните страни си разменија жестоки обвинувања.
Претставничката на Русија истакна дека Москва нема да го промени курсот во војната, ниту ќе потпише какви било договори што не ги задоволуваат нејзините потреби. Украинскиот претставник пак, пред Советот упати порака до партнерите да вложат максимални напори во реални чекори што ќе воспостават сеопфатен, праведен и траен мир.