Загинатите борци не умираат, ние ќе излеземе помоќни од оваа ситуација и се надеваме дека почитуваниот претседател Ердоган што побргу ќе расчисти со случајот и со терористичката организација „Фета“, беше кажано на вечерашниот Собир за поддршка на Ердоган.
„Сакам да ги предупредам властите во Македонија за терористичката организација „Фета“која е раширена секаде и не избира каде ќе делува“, рече организаторот на вечерашниот настан, претседателот на Сојузот на турските организации Таксин Ибрахим.
Џемаил Петковиќ претседател на босанкото здружение исто така им се обрати на присутните на митингот.
„Сакам да кажам дека ние како бошњаци и даваме поддршка на легитимната власт на Турција. Тоа што го видов во Турција е дека турскиот народ ја чува демократијата на улиците. Турција после овој пуч ќе излезе посилна и помудра. Ги повикувам државните интитуции на Македонија да дадат уште посилна поддршка на Турција„рече Петковиќ.
Невџет Мустава министерот без ресор, рече дека му е најголема чест што има можност да ја даде својата поддршка на Турција.
„ Турскиот лидер Ердоган даде една голема поддршка на Ромите, за нивна интеграција. Ние како народ ја цениме целата поддршка што Турција ја дава за мојата партија и за ромскиот народ“рече министерот Мустафа.
Собирот е на плошадот „Фипип Втори“на влезот во Старата Скопска чаршија и е во организацијата на Сојузот на турски невладини организации “Матусутеб“. На Собирот освен двајца министри без ресор, Неджет Мустафа и Фукан Цако, говореа и турскиот амбасадор во Македонија, како и претседателот на Сојузот на турските невладини организации “Матусутеб”, Таксин Ибрахим. Присутен е и Имер Селмани, поранешен претседател на Нова Демократија, екс вицепремиер и министер за здравство. Присутните извикуваат „Господ е еден“и пеат турски песни.