Собранието на Република Македонија на денешната 102. седница одлучи по скратена постапка да ги разгледува измените и дополнувања на пет закони поднесени од пратениците Илија Димовски и Талат Џафери, како и Предлог законот за заштита на приватноста, од истите предлагачи.
Собранието можете да го следите овде, со пребарувачот Internet Explorer.
На седницата не присуствуваат пратениците од СДСМ, бидејќи, како што рече Заев, не се согласуваат со предлог решението за повлекување на аболицијата, односно дека таа треба да биде целосна, а не по барање на помилуваните.
Со дополнувањата на Предлог-законот за помилување се предвидува нов член со кој се уредува можноста Претседателот на државата да го поништи помилувањето дадено без претходна постапка за помилување во рок од 30 дена од денот на донесувањето на овој закон при што претседателот не е должен да ја образложи одлуката.
Лицето за кое е донесена одлука за помилување има право до Претседателот на Републиката да поднесе барање за поништување на одлуката за негово помилување, а како што е наведено во Предлогот за дополнување, Претседателот е должен во рок од 30 дена од денот на поднесувањето на барањето да ја поништи донесената одлука.