Собранието ја констатира оставката на државниот јавен обвинител Љупчо Коцевски. Коцевски претходно на прес конференција изјави дека поднесува неотповиклива оставка.
Јавниот обвинител Љупчо Коцевски поднесе барање за престанок на функцијата јавен обвинител. Собранието на Коцевски му утврди престанок на функцијата јавен обвинител. Собранието нема да го разгледа предлогот за разрешување на јавниот обвинител, кој беше на дневен ред на собраниската седница бидејќи стана безпредметен, рече Гаши.
Коцевски рече дека во овие речиси две години, функцијата ја вршел чесно и достоинствено и си заминува со крената глава, но дека е разочаран затоа што нема правни аргументи за негово разрешување од функцијата.
Тој го оцени како политичка одлука предлогот за негово разрешување што требаше да се разгледува на денешната собраниска седница.