Неуспешен обид на лидерот на СДСМ Венко Филипче да ја достави резолуцијата што ја објави до пратениците. Според информациите на ТВ 24 од извори од собраниските служби, документот бил вратен вчера, бидејќи бил адресиран до политичките партии во Собранието, наместо до координаторите на пратеничките групи.
Нема конкретен одговор зошто првиот опозицонер иако најави дека документот ќе го прати само до политичките партии, а собраниска процедура ќе почне после избори , решил до пратениците да го достави официјално преку архива која што според службите е веќе формална процедура, иако на прес конференцијата беше дециден дека консултациите и процедурата за резолуцијата ќе почне после избори. Според собраниски извори за ова не биле информирани ни најголем дел од пратениците на СДСМ.
ТВ 24 праша во СДСМ официјално зошто се премислил лидерот на партијата и почнал процедура преку Собрание да ја достави до пратениците, но оттаму го повторија ставот дека резолуцијата ќе биде поднесена по избори, а била вратена поради погрешна процедура.
Ќе ја поднесеме по изборите, сега оди само до политичките партии. Беше вратена поради погрешна процедура- велат од СДСМ за ТВ 24
Филипче денеска кажа дека неговиот документ во кој е предвидена временска рамка за внесување на Бугарите во Уставот е на најпатриотскиот документ досега и ја повика власта да не го отфрла. Премиерот Христијан Мицкоски пак порача дека прифаќа само црвени линии, но како што рече ни на крај на памет не му било да прави уставни измени без гаранции.
Извор: 24 Тв