Оние делови од Законодавниот дом, кои досега не беа зафатени од боите на Шарената револуција, денеска беа мета на “командосите“ на Шарените.

Тие со балоните со боја, повторно “го торпедираа“ Собранието, додека останатите скандираа „Многу ни е добар чаталот“.

Гатачка на протест: За владејачката партија пораз, за Шарените победа

Претходно демонстрантите од говорница ги повикаа граѓаните во понеделник точно во 18 часот да се појават пред СЈО во што поголем број.

– Трпението ни е при крај, најавуваме радикализација, можеби нема да не има во 18, но ќе не има секој ден што помасовно, порачаа демонстрантите.

чаталДенешните протести започнаа пред седиштето на институцијата создадена со Договорот од Пржино, која треба да ги реши индициите за криминал од страна на власта, кои произлегоа од прислушуваните телефонски разговори кои ги објавуваше опозицијата.

Маршрутата се движеше кон Влада, пред да заврши кај Собранието.

Барокната фасада на седиштето на власта и денеска беше дополнително обоена со чаталот на Шарените.