Published: Saturday, August 21, 2021 12:53
Сојузот на синдикати на Македонија (ССМ) денеска одбележува 75 години од основањето.
Првиот Конгрес на ССМ, со тогашен назив Единствени синдикати на работниците и намештниците на Македонија, започнал на 18 август во 1946 година и траел до 21 август. Се одржал во Градскиот парк, во време кога работничката класа водела успешна борба за обнова.
Така започнува нашата успешна приказна која во периодот од првиот Конгрес на ССМ па наваму има големо значење за работничката класа, а ССМ како класна работничка организација ја опфаќа скоро целата работничка класа, се вели во соопштението на ССМ по повод јубилејот.
За прв претседател е избран Аспарух Корубиноски, а од основањето, ССМ имал 19 претседатели. Последниот, 20-ти Конгрес на ССМ, се одржа на 03 јули во 2020 година и на истиот за Претседател беше избран Дарко Димовски.
ССМ функционира како најстар, репрезентативен синдикат и социјален партнер во државата и приоритетно се залага за активности и мерки кои ќе придонесат за заживување и развој на економијата како база за целокупен напредок на општеството, а приоритет се правата, интересите и потребите на работниците, нагласуваат од ССМ.