Директорот на меѓуградската автобуска станица во Приштина, Арианит Грезда информира дека објектот попладнево бил целосно евакуиран, поради сомневања за поставена експлозивна направа, објави „Газета експрес“.
Како што јави дописникот на МИА од Приштина, Грезда изјави дека од станицата се евакуирани сите патници, како и тамошните вработени.
Сите сме излезени. Ги отсранија сите луѓе, изјави Грезда.
За тоа дали се работи за сомневања за поставена бомба, Грезда ги упати новинарите да побараат информација од надлежните органи.
Од полицијата сè уште нема информација за тоа што се случува на автобуската станица, меѓутоа медиумите јавуваат дека на местото на настанот е видно присуството на полициски тимови.