Според синдикатите од Конфедерацијата на слободни синдикати на Македонија и синдикати од Сојузот на синдикати на Македонија во кои членуваат луѓе и од приватниот и од јавниот сектор во земјава, соопштуваат дека „со големо одобрување ја примиле историската, a во исто време и одлука на исклучително одговорен и мудар татко на нацијата“, во однос на одлуката на Ѓорѓе Иванов за помилување.
– Претседателот на државата, со вчерашната одлука, го означи патот за излез од кризата и го посочи правецот на национално обединување по сите линии. Убедени сме дека неговата одлука ќе значи не само почеток, туку и брзо разрешување на исклучителните опасни состојби со кои, за жал нашата сакана татковина денес е соочена. Ова е државничка одлука која бараше големи жртви. Одлука која не се носи заради водење дневна политика или грижа за политичкиот рејтинг, туку одлука која е државничка и која е насочена кон просперитетна иднина, се вели во соопштението на СОНК.
Оттаму сметаат дека Иванов мудро ја анализирал состојбата и увидел дека најмоќните партии се длабоко вкопани во своите ровови и дека нивниот антагонизам не само што не се намалувал, туку го зголемува раздорот меѓу граѓаните и ја загрозувал иднината на оваа земја.
– Како вистински татко на нацијата, претседателот Иванов мудро пресече дека оваа земја не е ниту на ВМРО ДПМНЕ, ниту на СДСМ, ниту на ДУИ, ниту на ДПА. Оваа земја припаѓа на сите граѓани и нејзината иднина не смее да биде доведена во прашање заради ситни дневнополитички интереси, се вели во соопштението понатаму.
Тие му честитаат на Иванов за храброста и одлучноста во овие мигови и го охрабруваат да издржи на патот по кој што чекори.