Буркина Фасо се потврди како полесен тренинг за Македонија на младинското Светско ракометно првенство во Алжир. Избраниците на Илија Темелковски во целост ја оправдаа фаворитската улога и на крајот славеа со 48:20 во меч од второто коло во групата Ц по кое се и лидери на табелата.
„Црвено-жолтите“ по 17 минути се одлепија на плус 9 (11:2), предност што постојано ја надградуваа и на пауза заминаа со 15 гола разлика (23:8). Краток период во второто полувреме се играше гол за гол по што следуваше ресетирање на македонските ракометари за убедлив триумф по истекот на 60. минути.
Талески, Арсеновски и голманите Томовски (8 одбрани) и Даниловски (7 одбрани) беа единствените кои не поентираа во националниот тим во вториот настап на мундијалот во Алжир. Најефикасен беше Димитриоски со осум гола, Петровски постигна седум, противничката мрежа по шест пати ја тресеа Џонов и Палевски додека Лазаревски, Танкоски, Шилегов погодија по пет пати.
Во двата оостанати меча во групата Ц, Шпанија ја совлада Русија со 31:26, а Бразил беше подобар од Тунис со 36:29.
Утре (петок) на распоред се мечевите од третото коло во кое Македонија ќе игра против Тунис од 19 часот.
Буркина Фасо – Македонија 20:48 (8:23)
Спортска сала: „Омниспорт Хацене Харча“ во Алжир. Гледачи: 450. Судии: Мирза Куртагиќ и Матијас Ветервик (двајцата од Шведска)
Буркина Фасо: Мохамед Оедраого (2 одбрани), Т. Тиндребеого (5 одбрани), А. Тиндребеого 7, Мохамади Оедраого 3, Собеига, Надзига 1, Гуиро, Колого, Траоре 2, Д. Пода 2, С. Оедраого, Савадого 5, Илбоудо, Јамеого, М. Пода, Натама. Селектор: Баниен Ба Сирима.
Седмерци: 2/4. Исклучувања: 4 минути.
Македонија: Томовски (8 одбрани), Даниловски (7 одбрани), Лазаревски 5, Димитриоски 8, Јагуриноски 1, Нелоски 2, Танкоски 5, Велковски 1, Шилегов 5, Петровски 7, Талески, Кузмановски 1, Крстевски 1, Џонов 6, Палевски 6, Арсеновски. Селектор: Илија Темелковски.
Седмерци: 4/5. Исклучувања: 6 минути.
СП во ракомет (У21) – Алжир 2017
Група А, 2 коло
Чиле – Германија 25:51
Унгарија – Норвешка 22:31
Јужна Кореја – Фарски Острови 27:28
Табела: Германија 4, Норвешка 4, Фарски Острови 4, Јужна Кореја 0, Унгарија 0, Чиле 0.
Група Ц, 2 коло
Буркина Фасо – Македонија 20:48
Русија – Шпанија 26:31
Бразил – Тунис 36:29
Табела: Македонија 4, Шпанија 4, Тунис 2, Бразил 2, Русија 0, Буркина Фасо 0.