Денеска во Вила Водно, претседателот на државата Стево Пендаровски го врачи мандатот на новиот технички премиер Оливер Спасовски за формирање на преодната Влада која ќе ги организира предвремените парламентарни избори на 12 ти април.
„Ве извесувам дека врз основа на член 84, алинеја прва од Уставот на Република Северна Макеоднија, а во согласост со член 43 од законот за Владата на Република Македонија и предлогот од најголемата политичка партија што го формира владиното мнозинство за мандатар за состав на преодната Влада за спроведување на избори за пратеници го определувам господинот Оливер Спасовски“, рече претседателот Стево Пендаровски при врачувањето на мандатот.
Новиот технички премиер Спасовски се заблагодари и рече дека ќе направат се како Влада да организираат фер и демократски избори, но и да продолжат да работат на развој и просперитет за државата.
„Сакам да се заблагодарам на честа и одговорноста која што ја добивам како мандатар за состав на преодната Влада на Република Северна Македонија. Наша задача ќе биде да направиме се, да продолжи државата со напредокот, да направиме се да имаме фер и демократски избори и да овозможиме слободно граѓаните да донесат одлука, меѓутоа и сите институции да продолжат со истата динамика како што работеа и досега се со цел да има развој и просперитет за иднината на оваа држава и на граѓаните“, рече Спасовски.