Претседателот на Советот на синдикати на Македонија, Слободан Трендафилов информира дека донеле одлука за протест во среда на 28-ми јануари кој ќе се одржи пред просториите на ССМ со почеток во 17 часот.
Тој порача дека е време работниците да се изборат за достоинствени плати напоменувајќи дека „седењето дома дава поддршка на политиката на ниски плати и тежок работнички живот“. Трендафилов најави дека ова е првиот чекор од низата во наредниот период. Ако не бидат слушнати тој најави дополнителни протести и блокади, генерален штрајк во јавниот сектор.
Ако немаат слух ќе им собереме и 10 илјади потписи и ќе станеме овластен предлагач на законите – ќе побараме намалување на функционерските плати за 78 проценти и зголемување на минималецот на 600 евра. Ги повикуваме сите работници кои ги лажеле нивните газди, директори, менаџери, премиери, министри, дека ќе им ги зголемат платите, а не го сториле тоа, да ни се придружат на улица затоа што тие до 31.12 не се договорија за тоа и со потсмев им кажаа на работниците да седнат со газдите и да се договорат.
Повикуваме на протест затоа што прагот на сиромаштија е 31 илјада и 200 денари. На секој еден работник му е потребно зголемување на платата, ама не за 25 евра како што се функционерите се фалат дека ќе ги усогласат платите, ама не сега, туку во март, порача Трендафилов на прес конференција.